سيب شعري يا بابا...........!!!

أبى الحبيب حسنى مبارك

مقدمه لسيادتكم برعم نشأ فى عهدكم وتربى فى كنفكم وشرب من بحر علمكم وحكمتكم التى أذهلت العدو قبل الصديق !!!!

تسمح لى أقول لك يابابا ؟

بابا أنا تعبان قوى ....لأ مش سنانى دى ودانى !!!...أيوه ودانى....أصلى سمعت كتير قوى عن حاجات حلوة حتحصل لنا وما حصلش منها حاجة ...حقول لك شوية حاجات منها واخواتى هنا يمكن يحبوا يزودوا عليها شوية حاجات تانية جايز أكون نسيتها ... بابا مش عايزك تزعل منى علشان فتحت لك قلبى :

(1) بابا...مصر فى السياسة والإقتصاد وحتى فى الرياضة بقت فى الحضيض.... بقينا زبالة يابابا صدقنى

(2) الدول اللى كانت محدش بيسمع عنها خالص بقت أحسن مننا بكتير قوى يابابا.....
يعنى دول زى الهند...الفلبين...حتى تايلاند عندهم إيدز وبرده بيشتغلوا وبيصدروا كمان يابابا....إنته نمت يابابا .....لسه صاحى... طيب أكمل

(3) بتشوف قناة الجزيرة والعربية ودبى يابابا....شوف همه وصلوا وبقوا إيه واحنا بقينا إيه....الإعلام بتاعنا بقه زبالة بصراحة يابابا...تفتكر ده من إيه

(4) المصريين اللى عايشين بره محدش بيسأل فيهم خالص يابابا....تصور لو حد منهم مات ...السفارة ما بترضاش تبعت جثته إلا لو الناس لمت من بعضها ودفعت المعلوم......ده غير إن سفاراتنا بتعاملهم بطريقة أخر جليطة وقلة حيا بصراحة يابابا !!!

(5) إحنا مبنزرعش قمح ليه يابابا ؟؟؟....أنا عارف إنك بتحب الكنتلوب علشان طعمه أحلى ....مش مهم!!!

(6) بابا...بيقولوا إن إسرائيل ممكن ترجع تحتلنا تانى علشان المعاهدة اللى عموا أنور مضى عليها دى.....مينفعش تلغيها يابابا وندخل جيش مصرى فى سينا

(7) هوه ليه عمو عمرو خالد وأنكل يوسف القرضاوى ملهمش برامج عالتليفزيون المصرى يابابا ؟؟؟....ليه كل البرامج بتطلع فيها روبى ونانسى ودينا؟؟؟....طب عمو طنطاوى ما بيزعلش لما بيشوف الحاجات دى يابابا

(8)فيه إشاعة بتقول إن عدد الجراد اللى هاجم مصر 70 مليون جرادة يعنى نفس عدد شعب مصر يابابا وإن عمو كمال الشاذلى هوه اللى بعتهم علشان يقولوا نعم يامبارك .... صحيح إنهم كتبوا لك مبايعة على ورق الشجر يابابا

(9)بابا....كليو قلبها من ناحيتك كده .....لكن أفيونة ولينوكس عايزين يقولوا إن الجراد خراب وإن وشك يقطع الخميرة من البيت ... وريهم عينك الحمرا يابابا... إيه ده ! .... هوه عينيك الإتنين كده

(10)بابا ..... وزير الزراعة الجديد ده باين عليه فقر وقدمه نحس .... اوعى تفرط فيه يابابا لأنه بقى أملنا الوحيد

(11) بابا هوا صحيح جمال هايمسك الحكم يا بابا

باباااااااا......سيب شعرىىىىىى ياباباااا.......مين الناس دول يابابااااااااا........همه واخدنى ورايحين على فين يابابااااااااا

باابااااااااااااااااااااااااااااااااااااااااااااااااااااا

منقول