| الزواج سنه 2007 | |
|
+6Monymoon mshmsha vevooo hekaya82 ReRe bosy 10 مشترك |
|
كاتب الموضوع | رسالة |
---|
bosy المشرفين
عدد الرسائل : 533 تاريخ التسجيل : 07/03/2007
| موضوع: الزواج سنه 2007 السبت يونيو 09, 2007 2:03 am | |
| زوج زوجه يا ترى ايه مواصفات الزوج المثالى سنه 2007 زمان ايام جدى وتيته لما كنت اسألها اتجوزتو ازاى تقولى مامته تعرف مامتى وخطبتنى وجم قالولى من بابا العلم بالشىء لا البنت وقتها ما كانت ترفض عريس يتقدم ليها ما دام اهلها وافقو يبقى موافقتها تحصيل حاصل وبيتجوزو والعشرة بتبقى رباط مقدس بين الاتنين ايام ماما وبابا الزوج المناسب هو القادر على فتح بيت ماديا بشرط الحصول على شهادة وقتها كان العلم اغلى تمن والزوج المتعلم هو انسب زوج ويسلام لو الزوجه متعلمه يبقى مسك السما بايده والاتنين يبقو موظفين قد الدنيا ويتفتح البيت وبعد شويه ظهرت مدرسه الحب وان البيت لازم يبنى على الحب مش مهم الامكانيات مش مهم الشهادات وافتكر دا شوفناه كتير فى الافلام بس للاسف المدرسه ده ما نجحتش قصاد ضغوط الحياه وما استمرش البيت تحت مسمى الحب وحده لا يكفى او احبك اه اتجوزك لا متقدم لى عريس غنى طيب دلوقتى ايه المقياس الحقيقى للزوج المناسب تفتكرو العلم والشهادات؟ قبل ما تقول اه افتكر انك متعلم وحاصل على شهادة يا ترى غيرت فيك ايه واتعلمت منها ايه للحياة تفتكرو الفلوس ؟ طيب فلوس قد ايه ومين شاب من سنى وسنك معاه فلوس اصلا تفتكروالحب؟ هو فى حب فى الزمن ده بس انا اقصد حب بجد مش حب الشات والنت كل ما تدخل شات روم بتسمع مليون كلمه بحبك وطبعا عارفين السبب ايه الجنس وبس ومش مهم اى مشاعر واذا كانت كلمه بحبك مفتاح للحصن المنيع ما فيش مانع نقولها جواز المسيار تفتكرو دا جواز ولا دا حل ولا دا ظاهرة ولا دا اكبر دليل على ان فى خلل كبير بيحصل ولسه هيحصل اكتر ولا تفتكرو حاجه غير كل دا يا ريت بجد يكون موضوع يثير انتباهكم والموضوع دا مش منقول ده فكرة وجت لى وحبيت اسمع رايكم فيها شباب وبنات علشان كده ممكن تلاقو كلمات غلط او اسلوب ملخبط بس انا كتبته كأنى بكلمكم ومش حسبت كل حرف رايح فين المهم انى اقدر اوصل لكم الفكرة واحب اشوف مشاركتكم يمكن نقدر نطور فكر بعض ونوصل بجد لصفات الزوج المناسب | |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 السبت يونيو 09, 2007 7:23 am | |
|
موضوع جميل اوى يابوسى
ولو اتكلمنا عالمواصفات انا مثلا عندى مواصفات كتير جداااا نفسى تكون فى الانسان اللى عاوزاه يبقا زوجى
بس سؤال ياترا المواصفات اللى عاوزاها دى هلاقيها كلها طبعا استحالة تلاقيها واى شاب لو عاوز مواصفات للبنت اللى هيرتبط بيها بردو ياترا هيلاقى المواصفات دى كلها موجودة فيها
لالالا طبعا
عشان كدا بقولك باللغة العامية او الشعبية العريس او العروسة بيبقوا زى البطيخة ولا تعرفيها جميلة ولا وحشة يعنى مش هتعرفى المواصفات دى فى الشريك التانى غير بعد ما تعاشريه وتعرفوا بعض اكتر واكتر انما انا لو عليا نفسى فى مواصفات كتيييييييييييييير بس للاسف ممكن الاقى منها اتنين او تلاتة لان نادر دلوقتى مابتلاقى كل المواصفات اللى انتى عاوزاها فى زوج يعنى بمعنى اصح ولا بقا فيه زوج مثالى ولا زوجة مثالية اما عن الصفات بقاا انا نفسى زوجى اول حاجة يكون متدين يعرف ربنا اوى عشان يراعى ربنا فياا ويعاملنى حسب شرع الله
متهيقلى الصفة دى لو كانت موجودة فى اى شاب هيكون فيه كل الصفات الحلوة طبعا يكون بيحبنى واحبه ميكونش من طبعه الخيانة لان دى اكتر حاجة بكرهها وميكونش بخيل هههههههههههههههه بس كدا كويس اوى بس صدقينى يابوسى استحالة هيكون فى فارس احلامك كل المواصفات اللى بتحبيها اكيد هتلاقى عيــــــــــــب
وزى مابيقولوا الحلو ميكملش وماكامل الا الله اما بقا عن زواج المسيار دا
فدا مش زواج دا لعب عيال لانى درست شريعة اسلامية واهم شرط من شروط الزواج ان الزوجين تكون نيتهم ان الزواج يكون دائم يعنى مش يقولوا هنتجوز اسبوع ولا شهر ولا سنة وخلاص كدا لا لازم النية انه يكون زواج دائم عشان كدا المحلل حرام عشان زواج مش دائم يعنى مفيش حاجة اسمها زواج مسيار دا حراام طبعا وانا مش شايفة اى تلكيكة او حجة للزواج دا حتى لو كان الشاب مش عارف يتجوز مش عشان يرضى نفسه يخلى ربنا يغضب عليه
معلش طولت عليكى يابسبوسة بس انتى عارفة اختك رغاية اوى هههههه دنا كنت عاوزة اكمل كمان بس كدا هتصدعى هههههههه
تسلم ايدك يا احلى بوسى
| |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 السبت يونيو 09, 2007 7:27 am | |
|
عاوزين المناقشة تبقا سخنة زى اسم المنتدى هاااااااا
يعنى عاوزين تفاعل وخناق ياجماعة ههههههههههههههه
زى برنامج الحقيقة وهالة سرحان وعم يتسائلون
يلا كل الشباب والبنات يدخلوا يناقشونا فى الموضوع وعاوزين نشوف الاراء يارب تقلب بخناقة ههههههههههههه
| |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 السبت يونيو 09, 2007 10:13 am | |
| لا اطمنى يا ريرى مادام انا وانتى موجودين مش هتلاحقى خناق تعالى بقى نناقش اللى انتى قولتيه اولا انا من راى ان كلامك مش كفايه علشان يفتح بيت يعنى ايه يعرف ربنا وانتى ازاى تقدرى تحكمى اذا كان يعرف ربنا ولا لا على فكرة معظم اللى بيظهرو الدين غير متدينين من جواهم اللى بيعرف ربنا بجد مش بيظهر اوى وبعدين حضرتك قولتى مش بيخون هو دا بس مقياس احترامه ليكى مش يمكن مش يخونك صحيح وفى نفس الوقت يكون بخيل او انسان عصبى وكل شويه ايده تطول عليكى او مثلا يكون كسول ومش بتاع شغل على فكرة ممكن كل الصفات الوحشه ده وتلاقيه بيصلى وبيصوم طيب انتى عمرك ما شوفتى واحد بيروح يحج ومراته بتقول يا رب ما يرجع طيب كام واحد تعرفيه متدين جدا ومجترم جدا جدا وما فيش فى جيبه 10 جنيه تفتكرى دا ممكن يفتح بيت ويكون امين عليكى وعلى اطفال فى المستقبل مواصفاتك غير كامله دا من وجهة نظرى المتواضعه وللحديث بقيه | |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 السبت يونيو 09, 2007 10:46 am | |
|
لآلآلآلآلآلآلآلآ استنى يابوسى
شكل الخناق هيبدأ اهو ههههههههههههههههههههه
اولا انا من راى ان كلامك مش كفايه علشان يفتح بيت يعنى ايه يعرف ربنا وانتى ازاى تقدرى تحكمى اذا كان يعرف ربنا ولا لا
[color:0e5d=Red:0e5d]على فكرة معظم اللى بيظهرو الدين غير متدينين من جواهم اللى بيعرف ربنا بجد مش بيظهر اوى
انتى فهمتينى غلط يابوسى
انا بقولك انا من الصفات اللى نفسى انها تكون فى زوجى انه يكون متدين
وفى نفس الوقت قولتلك الزواج دا عامل زى البطيخة
يعنى ممكن اللى هتجوزه يطلع يقما كويس وزى الفل يقما اقرع هههههههههههههههههههه
على اعتبار انه بطيخة بقا هههههههههههههههههههههه
يعنى انا نفسى اتزوج من انسان متدين ويعرف ربناااااا بس مقولتلكيش انى اشوف واحد بيصلى اقول هوا دااا
لآ طبعا
وبعدين يابوسى طالاما ان الانسان متدين يبقا اكيد هيراعى ربنا فيا وفى معاملتى
كمان مقولتلكيش انى عاوزة انسان معهوش ولا مليم فى جيبه لا طبعا لازم يكون بيشتغل ويقدر انه يفتح بيت ولو هوا مش قادر على انه يفتح بيت يبقا ازاى هعيش معاه او هختاره موضوع انه معاه فلوس ويقدر يفتح بيت دا اساسى مش موضوع لنقاش لانى مش هروح احب واحد واعيش معاه ناكل ونشرب حب طيب ولادنا بقا مياكلوش هههههههههه
لآلآ طبعا دا اساسى انه يكون انسان يقدر يكون اسرة
وللخناقـــــــــــــــــــــة بقية قصدى للحديث بقية هههههههههههههههههههههه
[/center] | |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 السبت يونيو 09, 2007 10:48 am | |
| | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 السبت يونيو 09, 2007 2:38 pm | |
| يا رايقه احنا بنتخانق دلوقتى ولا بنتفرج على ايموشن حلو الايموشن افهم من كلامك انه متدين ومقتدر ماليا ومش بيخون تفتكرى كده بس؟ يعنى ممكن يكون كبير فى السن ؟ ممكن يكون متجوز قبليكى؟ ؟؟؟؟؟؟؟؟؟؟؟؟؟؟؟؟؟ افتكر مواصفاتك لسه ناقصه | |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 السبت يونيو 09, 2007 4:52 pm | |
| لالالالالالالالالالالالالالالالالالالالا
متقولينيش كلام مقولتهووووش
ههههههههههههههههههههههههه
ايه الليلة اللى مش هتعدى دى
لا طبعا لازم يكون سنه مناسب ليا
ومش متجوز قبل كدااااا
ولو طلع متجوز وانا الزوجة التانية هقتلها واقتله هههههههههههههههههههههههه
| |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الأحد يونيو 10, 2007 2:22 pm | |
| طب يا ريت تجمعى كل مواصفاتك علشان اعرف ارد عليكى يا ريرى علشان غلبتينى معاكى | |
|
| |
hekaya82 المشرفين
عدد الرسائل : 2049 العمر : 41 تاريخ التسجيل : 06/03/2007
| موضوع: رد: الزواج سنه 2007 الإثنين يونيو 11, 2007 6:13 am | |
| السلام عليكم و رحمة الله و بركاته
اولا اسلم عليكم انتم الاتنين
و اقول المنتدى الجديد دا ان شاء الله يبقى جامد و مليان خناقات . يووووه قصدي محاورات
نيجي لموضوعك ..
هو بس من المناقشة واضح انكم بتناقشوا مواصفات الزوج .. او الزوجة
بصي يا بوسي انا هقولك كلام ممكن تقولي عليه نظري
حديث رسول الله
" تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ "[/size] [size=16] دا طبعا بالنسبة ليا كشاب هقولك عشان دينها لأنها مستامنه على بيتي و أولادي ... و بعدين لو اتكلمنا على الحب .. انا بحب بنت ... فكرك انا بحبها ليه؟؟؟لو عشان جمالها ... معتقدش و إلا كان مفيش غير الجميلات بس اللي اتجوزوا ..انا بحب دي او هي بتحب دا ... عشان معاملاته ... هي او هو ممكن يعجبوا بالشكل لكن مع المعاملة ... تلاقي انه مينفعش فالحب هيكون للخلق و لاتعامل و دا بييجي من التدين .. و مش كل اللي بيظهروا التدين منافقين ... هما مظهر باين عليهم متيدنين هيعملوا ايه يعني يغيروه؟؟؟ و نفس الفكر موجود .. بالنسبة ان البنت تختار زوجها ... التدين و تقوى الله طب ...نكمل ... شاب تقي و متدين ... فكرك ربنا مش هيرزقه؟؟؟ قبل ما تجاوبي و تقولي ممكن اقرئي دي " و من يتق الله يجعل له مخرجا و يرزقه من حيث لا يحتسب" يعني الرزق جي جي .. و من غير ما نشك لحظة ... بس المهم التقوى الحقيقية بمعنى اننا لو بنينا اختيارنا على التقوى و توكلنا على الله .. توكلنا مش تواكلنا ... هنتجوز و هنسكن و هناكل و نشرب و نعيش سعداء كمان انا و زوجتي ... حاجة اخيره ... ممكن يكون معانا مال الدنيا ... لكن ان بخيل و هي طماعة .... البيت اتخرب ... انا شاب و عايز اتجوز ... صحيح دلوقتي صعب بس واثق في ربنا و بعمل اللي عليا و كل اللي ربنا يقدرنا عليه ... و دا لسان حال شباب كتييييير من شبابنا | |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 الإثنين يونيو 11, 2007 7:34 am | |
|
الحمــــــــــــــــــــــــــــــــــــــــــــــــــــــــــد لله
شوفتى يابوسى
حكاية شكله معايا فى الرأى
اهم حاجة التدين وان الانسان يكون بيتقى الله
وبعد كدا هتلاقى ربنا حط فيه كل الصفاااااات الحلوة مش معقول هتلاقى واحد يعرف ربنا ومتدين اوى وفيه عيب غير انه يكون مثلا انسان على قد حالا بس بردو هتلاقيه اكيد بيشتغل لآن العمل عبادة صح؟ يبقا اكيد بيشتغل لو كان فيه عيب مثلا ممكن يكون عيب ظاهرى انما غير كدا معتقدش بس دا رأيى يابوسى ومازلت مصرة عليه
:لا:
وللخناقة بقيااا
ههههههههههههههههههههههههه
| |
|
| |
vevooo الادارة
عدد الرسائل : 4180 تاريخ التسجيل : 25/02/2007
| موضوع: رد: الزواج سنه 2007 الإثنين يونيو 11, 2007 8:47 am | |
| تسمحولى أدخل الخناقة ...أقصد المناقشة نأخد الموضوع واحدة واحدة اول حاجة يا بوسى لو اتكلمنا علينا كبنات وحلم كل واحدة فى فارس احلامها كتير مننا مش حيختلفوا فى المواصفات حيبقى فة حاجات مشتركة كتييير مثلا فى فئة من البنات :تحب يكون فى فارس حلامها واحد غنى يعيشها فى مستوى عالى يجبلها كل حاجة هى تتمناها وما يهمهاش فرق السن ولا متجوز واحدة ولا اتنين ولا يهمها الحب .ودى طبعا بتفشل لان الفلوس ولا بتشترى الحب ولا السن الفئة التانية من البنات: عريس غنى بردو بس يكون مش سنة كبير و ما يفرقش معاها بيحبها ولا لأ بردو حتلاقى النوعية دى من البنات بتفشل فى جوازها لان ما فيش حب ممكن تقوليلى طيب ما زمان ماكان مش موجود الحب وبيعيشوا مع بعض عادى حقولك لأ زمان كان حاجة اجبارية غصب عنك حتجوزى وغصب عنك حتعيشى معاة حتى لو انتى مش بتحبية .وغصب عنك حتتعودى علية وتقالمى نفسك على الوضع ال انتى فية وتمشى الحياة لكن دلوقتى اختلف تقدر البنت تتطلق عادى لما تلاقى انها خلاص مش قادرة تكمل نرجع بقى للفئة التالتة: وال ريرى بتتكلم عنها وانا معاها فى المواصفات دى وانا حوضحها ليكى انسان متدين يعنى مش واحد بيصلى ويصوم وخلاص يبقى دة متدين التدين يعنى الخوف من ربنا يعنى الانسان ال بيراعى ربة فى تصرفاتة وكلامة وما افتكرش يا بوسى فى بنت لحد دلوقتى لسة ما تعرفش تفرق بين الولد الكويس والوحش وانتى بتقولى ممكن واحد بيصلى وبيصوم ويضرب مراتة او ..او استحالة اولا دة يكون راجل وتانى حاجة استحالة يكون انسان بيراعى ربنا عن حق دول اشخاص منافقين وبيبانوا اووى وبتعرفيهم من تعاملاتهم ما تقوليش بعد الجواز بيتغير لأ البنت هى ال بتبقى حاطة غمامة على عينيها علشان متشوفش العيوب الانسان الملتزم وال بيخاف من ربنا بيبان مش محتاج عدسة مكبرة علشان نشوفة انا من الناس يوم ما حختار شريك لحياتى حيبقى انسان ملتزم ومتدين ويراعى ربنا فيا بس مش حختار المال حختار راجل يراعى ربنا فيا واكيد ربنا حيرزقة لانة بيراعى ربة وبيراعينى ولياا تكملة وسورى لو فى كلام ملغبط او حروف ضايعة | |
|
| |
ReRe Admin
عدد الرسائل : 2826 العمر : 40 تاريخ التسجيل : 25/02/2007
| موضوع: رد: الزواج سنه 2007 الإثنين يونيو 11, 2007 1:05 pm | |
| | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الإثنين يونيو 11, 2007 1:39 pm | |
| جميل اوى كل كلامكم وانا اول واحده معاكم فى الكلام ده بس ازاى هعرف انه متدين اوى بدرجه تسمح له يفتح بيت هيتجوزنى فى المسجد مثلا ولا هيصرف عليا من بيت المال يا جماعه كلنا فى سن جواز خلينا نقول اللى بيحصل فى بيتنا بجد الدين كويس واهم المهم ونقطه الكل متفق عليها بس الدين مش بيمنع من تعدد الزوجات ولا بيمنع من السن الكبير اوى للزوج ولا بيمنع من العنف ولا بيمنع من التسلط الدين مش بيحرم الصفات ده ولا اقدر اقول ان اللى بيتصف بالحاجات ده مالوش دين يبقى علشان نطلع من نقطه ونتكلم فى الباقى الدين اول نقطه الكل اتفق عليها ماذا بعد؟؟؟؟؟؟ :9: | |
|
| |
hekaya82 المشرفين
عدد الرسائل : 2049 العمر : 41 تاريخ التسجيل : 06/03/2007
| موضوع: رد: الزواج سنه 2007 الثلاثاء يونيو 12, 2007 1:00 am | |
| مبدئيا يا بوسي الدين بيمنع التسلط و بيمنع العنف ضد المرأه و البيت ليه حقوق و الزوجه حقوقها في الاسلام انها تكرم طب يا بوسي انتي لو حبيتي واحد و كان على قد حاله "مش هنقول متدين و لا حاجة" انتي شايفاه محترم و طلب منك تستنيه ... او تصبري و تعيشه على قد مرتبه و مكسبه هتعملي ايه "هو جهزلك الاساسيات ... شقة معقولة مش كبيره و لا صغيره ومش فخمة اوي و لا فقيره اوي و في منطقة معقولة بردو ولا هي عالية و لا هي تحت خالص" بس خلي بالك ... هو مش غني و مرتبه مش كبير اوي ... يعني عادي ... بس بيحبك و انتي كإنسان بتحبيه... هتعملي ايه؟؟؟ | |
|
| |
mshmsha المشرفين
عدد الرسائل : 2872 تاريخ التسجيل : 09/04/2007
| موضوع: رد: الزواج سنه 2007 الثلاثاء يونيو 12, 2007 4:56 am | |
| اولا بشكرك يا بوسي على طرحك للموضوع مبدأيا انا مش بعرف اناقش اوي بس هحاول اقول الي اقدر اقوله في الموقف ده عايزة اقولك يا بوسي ان الانسان عبارة عن تصرفات يعني مثلا عايزة تعرفي ان الانسان اللي هترطبتي بيه متسامح مع الناس ولا لاء اكيد اكيد هيحصل موقف قدامك يعرفك اللي انتي عايزاه وفعلا زي مااحمد قال الدين بيمنع التسلط والعنف لكن المجتمع هوه اللي مستسلم للحكاية دي وللحديث بقية | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الثلاثاء يونيو 12, 2007 12:56 pm | |
| حكايه مشمشه تسلمولى على مشاركتكم الجميله واللى بتدى للموضوع حيويه وفاعليه اكتر على فكرة يا حكايه انا مبسوطه كتير بمشاركتك معايا فى موضوعى وهرد على سؤالك لو الانسان دا اتقدم لى اكيد هقبل لانه مش بس محترم لا دا محترم وبيحبنى وبيشتغل وكون نفسه صحيح كون نفسه على صغير بس عمل حاجه حلوة عملها بشقاه وتعبه وسهر الليالى واختارنى انا بس علشان يدينى كل ده افتكر وقتها انا هكون اسعد بنت فى الدنيا كلها بس واخد بالك انت قولت ايه فى سؤالك انه بيشتغل وانه عنده شقه وانه بيحبنى وانه محترم يعنى ما قولتش متدين او محترم وسكت لازم ضروريات جنب الدين والاحترام وهو دا اللى عاوزة اسمعه يا جماعه ارجوكم وما تقفوش عند صفه واحده وتربطو اوى احنا اتفقنا على الدين ( الكل اتفق) ودلوقتى حكايه ربنا يكرمه جاب صفات كويسه جدا صعب عروسه تستغنى عنها يبقى الاجمالى عندنا 1_ الاحترام واقصى درجاته التدين 2_ شقه تصلح بيت للزواج ( فى منطقه معقوله _ وتكون بتاعته مش شقه مفروشه مثلا النهارده فيها وبكرة فى الشارع) 3_ بيشتغل وله دخل ثابت قليل او كتير مش مشكله المهم الدخل ثابت وموجود ومش هرجع لامى من تانى شهر اقولها سلفينى اكمل الشهر 4_ بيحبنى ( اوى اوى ) اخيرا التوبيك بدأ ياخد مجراه الطبيعى وعاوزين نكمل المواصفات واللى شايف صفه ممكن يستغنى عنها يقول ونعمل تعديل مين عارف يمكن نوصل لمواصفات تساعدنا بجد فى الاختيار المناسب وللحديث بقيه | |
|
| |
vevooo الادارة
عدد الرسائل : 4180 تاريخ التسجيل : 25/02/2007
| موضوع: رد: الزواج سنه 2007 الثلاثاء يونيو 12, 2007 3:24 pm | |
| عندى اعتراض بسيط يا بوسى على كلامك احنا بنقول صفات الزوج المناسب هل الماديات بتدخل من صفات الزوج المناسب؟ طبيعى جدا ما فيش اى بنت على وجة الارض حتجوز واحد عديم الامكانيات ...أستحالة يبقى مسألة المادة نحطها على جنب المواصفات حقولها على شكل عناوين 1- الدين 2-الاخلاق 3- الاحترام المتبادل بين الطرفين 4-الثقة المتبادلة وطبعا مع الوقت بتزيد 5-الحب دى من اهم الشروط ال لازم تبقى موجودة فى شريك الحياة أو شريكة الحياة | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الثلاثاء يونيو 12, 2007 4:31 pm | |
| نورتى الموضوع يا فيفو بجد كلامك كتير منطقى وفى صميم الموضوع بس من رأيك الامكانيات الماديه ممكن تبقى ايه؟ شقه _ فيلا _ اوضه وصاله _ فى نفس مستوى شقه بابا فى عربيه ولا لا فى رصيد فى البنك دا طبعا افتراضات مش رأى بس حابه اسمع ارائكم يعنى ايه امكانيات ماديه؟ | |
|
| |
vevooo الادارة
عدد الرسائل : 4180 تاريخ التسجيل : 25/02/2007
| موضوع: رد: الزواج سنه 2007 الثلاثاء يونيو 12, 2007 6:41 pm | |
| بتختلف يا بوسى من شخص لشخص طبعا مفهوم الامكانيات المادية انا حتكلم عن نفسى فرضا انا فى مستوى معين وال حيجى يتقدملى فى مستوى اقل منى بس عندة ال اهم من الامكانيات المادية اخلاقة و التزامة وتقدملى واحد تانى فى نفس المستوى بتاعى لكن لا اخلاق ولا دين تفتكرى يا بوسى مين ال حيصونى اكتر ال معاة فلوس وفى نفس مستوايا ولا ال معاة بسيط بس لسة بيكون نفسة يعنى بأختصار انا عن نفسى لو اتقدملى بنأدم لسة بيبتدى حياتة انا حوافق علية بشرط يكون فية المواصفات ال سبق وقلت بعض منها ولو اتقدملى انسان مرتاح ماديا وفى نفس المواصفات ال انا بتمناها اكيد حوافق بردة بس فى كلتا الحالتين انا مش من الناس ال ماشية فى حياتها بمبدأ الفلوس فى حياتك كل شىء واكيد طبعا فى اراء كتير مختلفة معايا وشايفة ان تفكيرى غلط بس الحمد للة انا مقتنعة بدة وحفضل مقتنعة | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الأربعاء يونيو 13, 2007 4:23 am | |
| طيب لو اتقدم لك انسان وما عندوش شقه تقبلى انك تتجوزى فى بيت مامته وبباه_ او مامتك وبباكى طيب لو مش حاصل على شهادة زيك يعنى انتى مثلا بكالوريوس وهو دبلوم ؟ ناخدها واحده واحده لحد ما نوصل لصورة متكامله لتصورتنا عن شريك العمر
عدل سابقا من قبل في الأربعاء يونيو 13, 2007 4:27 am عدل 1 مرات | |
|
| |
mshmsha المشرفين
عدد الرسائل : 2872 تاريخ التسجيل : 09/04/2007
| موضوع: رد: الزواج سنه 2007 الأربعاء يونيو 13, 2007 4:25 am | |
| انا عايزة اقول حاجة يا جماعة اذا سمحتولي يعني بالنسبة يا بوسي للشباب دلوقتي اغلبهم معندهمش دخل ثابت يعني اه ممكن يتأدملك واحد بيشتغل في شركة محترمة وبمورتب محترم بس بكل بساطة ممكن يستغنوا عنوا وده بيحصل وعلى فكرة ده فعلا حصل قدامي وكذا مرة..... اما لو قولتيلي مش كل الشباب بيشتغلو في شريكات هقولك اوك انا معاكي بس لو بيشتغل في شغل حكومي ولوحتي بقالو 10 سنين هل مرتبه دلوقتي قادر انه يفتح بيت انا معتقدش لذلك زي ما فيفو قالت حكاية المادة دي على جتب يعني باختصار الشاب علشان يقدر يفتح بيت لازم يكون عندوا مشروع خاص بيه ويترتب على ذلك قلة الزواج لقلة المشاريع وسوري يا قمر لو كنت طولت عليكي او الكلام خرج بره الموضوع وللحديث بقية..... | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الأربعاء يونيو 13, 2007 4:29 am | |
| [size=29] يا ريت اسمع ردك على اسئلتى بشكل مباشر وبمنتهى الصراحه طيب لو اتقدم لك انسان وما عندوش شقه تقبلى انك تتجوزى فى بيت مامته وبباه_ او مامتك وبباكى طيب لو مش حاصل على شهادة زيك يعنى انتى مثلا بكالوريوس وهو دبلوم ؟ ناخدها واحده واحده لحد ما نوصل لصورة متكامله لتصورتنا عن شريك العمر | |
|
| |
hekaya82 المشرفين
عدد الرسائل : 2049 العمر : 41 تاريخ التسجيل : 06/03/2007
| موضوع: رد: الزواج سنه 2007 الأربعاء يونيو 13, 2007 4:58 am | |
| بصي يا بوسي من شروط الزواج ان يكون هناك سكن يعني ايه سكن ... معناها موفر سكن خاص لزوجته و الرسول صلى الله عليه و سلم قال للشباب " يا معشر الشباب من استطاع منكم الباءة فليتزوج" و الباءة هنا .. هي كل ما يحتاجه الزواج من سكن و قدرة على توفير حياة كريمة لزوجته و ليه فما حدش قال ان البنت تتزوج واحد و يقعدوا في الشارع او يتزوج عشان باباه يصرف عيه فطبيعي في اساسيات لازم تكون موجوده .. نقطة كمان "مش شرط تكون معبرة عن رأيي و انما هي رأي مطروح" لو حال البلد "اي بلد" اقتضى فيه الامر ان يتم زواج و انهم يسكنوا مع اهلهم على شرط ان دا ما يسببش مشاكل ... ايه المانع ؟؟؟ و ان كنت بأكد ان من حق البنت تماما يكون ليها كامل اختيارها في ان يكون ليها سكن مستقل تماما ... ود اللي انا شايفه بالنسبة للشهادة ... انا شايف ان ما ينفعش ... لازم الاتنين يكون مستواهم الثقافي متقارب بس عندنا قول آخر للرسول صلى الله عليه و سلم "إذا جاءكم من ترضون دينه و خلقه فزوجوه" ... طبعا مش معنى كدة ان جالي واحد دينه و خلقه تمام اتجوزه بدون ما يكون في الحد الادنى للقبول و لا يكون معاه الحد الادنى من احتياجات الزواج ...لأ لازم يكون في على الاقل قبول للشخص نفسه | |
|
| |
bosy المشرفين
عدد الرسائل : 533 تاريخ التسجيل : 07/03/2007
| موضوع: رد: الزواج سنه 2007 الأربعاء يونيو 13, 2007 5:18 am | |
| حكايه ردك جميل ومش قادرة اقول فيه اى انتقاض ومتفقه معاك فى كل كلمه لما نشوف راى الباقى ايه وكلامنا كده بيقول ان الدين واشياء اخرى تكتمل الصورة بس لسه بنجمع فى الاشياء الاخرى وللحديث بقيه | |
|
| |
| الزواج سنه 2007 | |
|