هوس التجميل مين السبب فيه؟؟؟

ايه رايكم النهارده فى هوس التجميل اللى كل بنت بتفكر فيه كل بنوته نفسها تبقى شبه نانسى عجرم او هيفاء او غيرها نفس لون الشعر نفس طريقه المكياج

تفتكرو دا ليه بيحصل

1_البنات هى اللى عاوزة تبقى شبه الفنانات او حتى مش الفنانات بس حلمها تكون فاتنه

2_ولا الشباب هم اللى عاوزين البنت الحلوة اللى تحسسه انه مرتبط بنانسى عجرم

معقول فى الوقت اللى المرأة بتطالب بحق كونها قاضى ورئيس جمهوريه يبقى باقى البنات حلمهم انها تبقى فاتنه الجمال بالعربى ملفته للانظار

3_يا ترى البنات اتغير تفكيرهم وتضارب ليه؟ يمكن علشان لقو الجد والصراع مالوش اى فايده ومش بيعود عليها بنجاح وان نجاحها الوحيد بيكون فى تكوين اسرة واعجاب الرجل بيها وبجاملها هو اسهل طريق لتحقيق الهدف؟

4_ ولا الشباب زهقو من حوارات البنت زى الولد وبقو عاوزين يرتبطو ببنت مش زى الولد علشان كده بيشترط الجمال والعنايه بالنفس؟

5_نقدر نسمى ده سطحيه من البنات ولا الشباب ولا الاتنين ولا دا مجرد تغيير وقتى وهيزول

كل ده تساؤلات احب تشاركونى برأيكم وآرائكم فيها