شهر ترفع فيه الأعمــــــــال!!!

السلام عليكم ورحمة الله وبركاته

اخواني واخواتي حبايب المنتدي

كل عام وانتم بخير
اليوم الأول من شهر عظيم
الأول من شعبان

وهو شهر يرفع فيه الأعمال انتهي بنا شهر رجب وقد بذلنا فيه قصاري جهودنا وصومنا وقرأنا القرآن واللهم تقبل منا جميعا

كان رسول الله صلي الله عليه وسلم يصوم أكثر شعبان :

وقالت عائشة : "ما رأيت رسول الله في شهر أكثر منه صياما في شعبان"" رواه البخاري ومسلم

وعن أسامه بن زيد رضي الله عنهما قال:

قلت يا رسول الله ,لم أرك تصوم من شهر من الشهور ما تصوم من شعبان ؟ قال:
"ذلك شهر يغفل الناس عنه بين رجب ورمضان ,وهو شهر ترفع فيه الأعمال إلي رب العالمين . فأحب أن يرفع عملي وأنا صائم"

ها الا تريدون احياء سنن الحبيب المصطفي صلي الله عليه وسلم؟؟؟

ألا تريدون الجنه ونعيمها""؟؟؟

عن أبي هريرة رضي الله عنه : أن رسول الله صلي الله عليه وسلم قال:
قال الله عز وجل :" كل عمل بن آدم له إلا الصيام ,فإنه لي وأنا أجزي به , والصيـــــــــام جنــــــــــــة "
رواه احمد ومسلم والنسائي

وافتكروا دايما انه من صام يوما باعد الله بين وجهه والنار سبعين خريفا

يلا بعد كل ده ولسه منوتش ومنوتيش الصيام

عايزين نغير حياتنا شويه لاء شويتين
عايزين نقرب من ربنا أكتر وخلاص بشاير رمضان قربت عايزين نمهد ليه عشان ندخل فيه بتقلنا كله بالعبادات والطاعات

والله لولا اني بحبكم قوي وجدااااااا كمان مش كنت ذكرتكم ونفسي بالصيام وقراءة القرآن

دي دعوه لكل الناس واولها نفسي
تعالو نغير انفسنا

من يتقي الله يجعل له مخرجا ويرزقه من حيث لايحتسب
ومفيش فينا حد مش محتاج ربنا في دعوة نفسه ربنا يستجيبها ليه

ياسلام بقي لو تدعي وانت صايم كمان

وانت عارف ان دعوة الصائم لا ترد عند افطارة

وكلنا محتاجين ربنا قوي

تعالو كلنا نرفع ايدينا في خشوع وندعوا الله ان يعييننا علي الصيام وقراءة القرآن وان يتقبل منا

اللهم اعنا علي ذكرك وشكرك وحسن عبادتك وطاعتك علي الوجه الذي يرضيك عنا

اللهم باعد بيننا وبين خطايانا كما باعدت بين المشرق والمغرب

اللهم ارزق كل طالب النجاح والتفوق واجعله مثالا حسنا للمسلمين

اللهم ما من بنت مسلمة إلا ورزقتها زوجا صالحا يعينها علي أمر الدين والدنيا ويحبها كحب سيدنا محمد " صلي الله عليه وسلم" لخديجة وعائشه ويأخذ بيدها إلي الجنة ويكون سكنا لها في الدنيا والآخرة

ويكون في قوة عمر رضي الله عنه ورقة أبا بكر وجمال يوسف عليه السلام وتقواه

اللهم من اعتز بك فلن يذل ومن اهتدي بك فلن يضل ومن استكثر بك فلن يقل ومن استقوي بك فلن يضعف ومن استغني بك فلن يفتقر ومن استنصر بك فلن يخذل ومن استعان بك فلن يغلب ومن توكل عليك فلن يخيب ومن جعلك ملاذه فلايضيع ومن اعتصم بك فقد هدي إلي صراط مستقيم

اللهم كن لنا وليا ونصيرا وكن لنا معينا ومجيرا انك كنت بنا بصيرا

اللهم هذا الجهد وعليك التكلان ومنا الدعاء وعليك الاجابه

وبارك اللهم وصل وسلم علي محمد تسليما كثيرا

امين امين امين

الله عليكي يا موني

ربنا يكرمك يا رب ويخليكي لينا ديما وتذكرينا باعمال الخير يا رب

انا مشوفتش التوبيك الا النهاردة ومكنش في بالي اني اصوم اول شعبان بس باذن الله هحاول بقدر الامكان اصوم على قدمقدر في الشهر العظيم ده

ربنا يجزيكي كل كل خير ويكرمك ان شاء الله

تسلمي يا قمر على مجهودك الهايل ده

بجد الموضوه اكتر من روعه ربنااا ياارب يقوى ايماانك

ويقوينااا ياارب ع ذكرك وحسن عبااادك

تسلم اديكى يااا مونى

وكل سنه وانتى طيبه بامناسبه الجميله ديه

وادعولناا يااا جمااعه ف رمضاان بهداايه