اقلام حرة ارجو التثبيت

اصدقائى الاعزاء لقد طالعتنى تلك الفكرة بعد قراءة ذلك التوبيك

الذى ابدعت فية دلوعة مصر

فقلت لية ميكنش هنا حاجة نعرف نقول فيها رأينا وبكل صراحة

ولقد سميت الموضوع بأسم ( كلمات حرة )

نعم ستنكتب هنا كلمات كلها حرية

تكتبها اقلام حرة وعقول شابة وافكار متحررة

وسوف نثبت للدنيا كلها

ان الشباب قوة

وارادة

وتصميم

ورأى

وسوف يعبر الكلام الذى تكتبونة عن كاتبها ورأية فى المجتمى او فى العالم او فى اى شىء هو كان عاوز يتكلم فيه بس مش قادر يخرج اللى جواه

احنا هنا كلنا شباب يعنى مستقبل البلد

يعنى لازم نقول كل اللى فى قلوبنا

ومفيش اى حاجة تكبت اللى احنا عاوزين نقولة

وهنا باذن الله سوف تكتبون كل اللى انتو عاوزين تقولوة

ويارب ثعجبكم فكرتى

برافو عليك ياسلامة
والله والله راجل وياريت يبقي منك كتيييييير
اهى دى شاب مصر ولا بلاش
بس ياريت ياسلامة حد يرد ولا يكلم
بجد نايس توبيك ياسلامة
وانا اول من حكتب باذن الله
لى عودة

مرسى ليكى يا دلوعة على كلامك الجميل

ومنتظر عودتك

بس الظاهر كدة ان كلامى مش عاجب الاعضاء

ومش عاجبهم الموضوع

بس على العموم انا بعمل اللى عليا والباقى على ا لله سبحانة وتعالى

فـــــــــــكرة جميييييلة جدااااا يا محمد

ودى فعلا فرصة ان احنا نطلع ال جوانا ... مش كلة اوى برضة

بس بحييك يا محمد

تسلم افكارك

اولا احب اشكرك كتير علي فكرتك الرائعه

ثانيا اقدم تهنئتي الخاصه لك ولكل اصدقاء المنتدي علي قرب قدوم شهر رمضان اللهم بلغنا إياه يارب العالمين واعاده علينا جميعا بالخير والبركة

ادخل بقي في الموضوع

احب أناقش قضية فعلا مهمه جداا وهي بعد عن التدين الصحيح

بمعني للاسف مفيش حث كبير واهتمام بالدين علي المستوي اللائق واكيد يقع العاتق الأكبر علي الأهالي أولا والمدارس ثانيا

يعني مثلا مش بيتضاف مادة التربية الدينية للمجموع

وكمان في اخطاء للأسف في منهج التربية الدينيه "" يعني كمان مش عارفين نعلم الدين صح""

وتلاقيهم جايبين في المدارس اي حد يعلم الدين مش مشكله هو مدرس ماده ايه ممكن يكون جغرافيا بس وماله اهو يسد طب ده ينفع ؟؟

وكمان الماده الدينيه بتقف عند الثانوية العامه وطبعا اكثر الطلبه بيهملوها جداااااااااااااا لعدم اضافتها ليهم بالدرجات

نفسي اقدم اقتراح للوزارة بالاهتمام بالماده الدينيه شويتين وكمان ضم دراستها بالجامعه كمان

صدقوني المجتمع كله هيتغير

وقف شاب كده فرفور سايق عربيه علي سرعة 120 ومشغل الكاسيت وعايش حايته وربما قاعد جمبه الحلوة الامورة واسأله كده وقوله شايف اللي بتعمله ده حرام ولا حلال وشوف رده عليك واستهتاره بافكارك

ولا بنت مش محجبه او لابسه حجاب بس للاسف كاسيات عاريات واسألها كده وقولها حرام يالهوي علي اللي هتسمعه من كلام

وده كله طبعا تقصير واه لو تعرفوا العاقبه اللهم حرم علي اجساد امة حبيبك المصطفي النار يارب العالمين

بجد شوفو برامج التليفزيون الهايفه ورمضان داخل اهو و 3 او 4 برامج دينيه وقدامهم 15 مسلسل وفوازير وسلي صيامك يا عم الصايم الغلبان والله فعلا غلبان

كده انا اتكلمت بصراحه وهرجه تاني لنفس الموضوع الحارق دمي

بجد مواضيعك اكثر من هايلة

وفعلا عندك حق

هنفضل نقول خليني ماشي جنب الحيط لحد امته

لازم نقول رأينا في كل حاجة بتحصل ونبطل الاسلوب السلبي اللي احنا بنفكر بيه ده

انا بجد مفيش في بالي فكرة دلوقتي بس باذن الله اول مهيجي فكرة على طول راح اكتبها

وبجد تسلم ايدك على مواضيعك وافكارك الهادفة دي......

عزيزى Monymoon

اولا انا بحب اشكرك على اهتمامك بالموضوع

وفعلا انت عندك حق فى كل كلمة قولتها

ولازم نتكلم فى الموضوع دة بجد

وانا فى انتظار اراء اخرى

واحب اشكر اختى العزيزة مشمشة

على اهتمامها وردها الجميل وفى انتظار ارائكم

موضوع جميل يا سلامه

وانا بقى هتكلم عن الحلم

حلم الشباب

حلم الشباب اللى مش بيتحقق من اول الثانويه العامه ومكتب التنسيق وتوجيه حلم وطموح الشاب على حسب مجموعه وبعدين يتخرج لا شغله ولا مشغله

وبعدين يحب يتجوز ما يقدرش ياخد اللىيحبها لانه مش معاه مهرها ويضطر اسفا ياخد اللى ترضى بامكانياته

والاهل اللى يعيشو عمرهم كله يحلمو باينهم احسن واحد فى الدنيا ويقطعو من اكلهم علشان يعلموه وفى الاخر !!!!!

تفتكرو الناس اللى بيتسلب منهم حقهم فى حلم وامنيه ممكن ينتظر منهم ايه

وفى الاخر نقول الوطنيه والتاريخ والتقدم والازدهار

بحلم بيوم اللى بيحب الطب يكون دكتور لانه اكيد هينجح اكتر من واحد بيحب الصحافه بس علشان جاب مجموع ما قدرش يوقف قدام رغبه اهله ودخل الطب

حلم اقف فى طابور العيش اخد عيش يتاكل مش اخد منه رغيفين والباقى للفراخ دا لو رضيت تاكله

بحلم اشتغل واقبض وقبضى يكفينى

بحلم اتجوز اللى احبه مش احب فلان بس اتجوز حد تانى لان الاولانى ما بفتحش بيت

بحلم بالبساطه وبلاش نخنق نفسنا واحلامنا بايدينا

بحلم اهو طلع ولا نزل حلم

يا ترى انت بتحلم بايه

شكرا يا بوسى على ردك الجميل واحلامك الرائعة

انا بقى بحلم انى استقر والاقى الانسانة اللى تعرف تحافظ على بيتها وجوزها

ولن ربنا يدينى الصحة واقدر اسعدها

وانا مش عاوز غير الستر والصحة

اللهم استر على المؤمنين جميعا

موضوع جميل اوىىىىىىىىى يامحمد

انا لسه اول مرة اشوفه

بس بجد تسلم ايدك عالفكرة الجميلة دى وزى ماقالت فيفو بلاش نطلع كل اللى فى قلبنا اوى

تسلم ايدك يامحمد