المجندات المصريات فى الجيش الاسرائيلى!!!!

والله مش لاقيه كلام اقوله ولا عارفه ليه يحصل كده ؟؟؟ affraid

جيبالكم بجد موضوع محزن جداااااااا
مجندات مصريات في اسرائيل
يعني سمعنا عن جواسيس وقولنا ماشي واهم بيتعاقبوا لاكن توصل لتجنيد بناتنا المصريات لحد هنا ونقول stop
كفاية بقي ارحمونا

المجندات المصريات فى الجيش الاسرائيلى!!!! Da78861674ly8

بجد حرااااااااااااااااااااام احنا كنا فين لما البنات دي سافرت ووصلت لايديهم اصلا

فوقوا بقي من الغفله اللي بقينا فيها لسه هنسمع عن ايه تاني
الخبر ده كان في مجلة اسمها كواليس وطبعا كالعاده اتكتٍّم علي الموضوع
وحسبي الله ونعم الوكيل

ايه ده معقوووووووووووووووووووله
اللوم مش علينا اللي سمحنالهم اللوم عليهم هما
هما فين وليه كده
بس من لم يهتم بامر المسلمسن فليس منهم ودول ما عملوش اي اعتبار لدينهم او ارضهم
ولا كمان اللي والدها استشهد في 73 دي بقي بتفكر ازاي
حسبي والله ونعم الوكيلل فيهم
فينك ياعم خالد موضوع هيبسطك خاااااااالص
مش عايزه اقولك نايس توبيك يامووووون انا اضايقت حقيقي واضايقت دي كلمه بسيطه بس تسلم ايديكي انك جبتلنا حاجه كده
ربنا ياخدهم

اللوم مش علينا اللي سمحنالهم اللوم عليهم هما
هما فين وليه كده

احب اوضحلك يا سالو ان الفتايات كانو في سن مش كبير يعني برده كانو محتاجين توجيه
وبسأل مليووووووووووووون سؤال هما راحو هناك اصلا ازاي؟؟ وفين الحكومه المصرية من كل ده؟؟
ازاي جواز سفر بنت مصريه؟ تروح لاسراءيل ولت تكن موضع للشكوك

مليون سؤال وسؤال
بس مين يجاوب؟؟؟؟؟؟؟؟؟

مرسي يا سالو علي ردودك وتفاعلك وعندك حق في ثورة الغضب اللي جواكي

موني ...

في ناس بتحب تعمل فرقعة "مش بقول انتي خالص" انا اقصد المجلة اللي دي صورة منها
فساعات بيكتبوا اي حاجة ... عشان يشوهوا الصورة بزيادة حبتين
فخبر زي دا ...
مش المفروض نصدقه اوي
و بعدين فين اهاليهم محدش سأل عنهم
محدش اتكلم معاهم

اكيد لو حاجة زي كده حصلت
كانت المسالة هتبقى فضيحة
و مفيش قناة فضائية مش هتتكلم عنها

و ارجو انك تتقبلي الكلام دا من اخوكي

عارف يا حكاية انا برده قولت زيك كده في الاول بس للاسف بعد ما عرفت من اخبار موثوق فيها جدا عن اللي بيحصل في شرم ودهب بالذات مش استبعد اي حاجه

ده في وللاسف شركة سياحه في الغردقه وممسوكة من شهر تقريبا كانت بتسفر لاسرائيل وكان اللي ماسك الشركة وسفارياتها المشبوهه راجل و3 بنات عمرهم من 25 ل 26

ومش نقدر ننكر ان بلدنا فيها الطمع وكل فترة يظهرلنا جواسيس بس لو علي الفرقعه بجد اسأل اي حد من اصحابك يكون سافر لدهب وشاف بعينه تعاملات البنات والشاب المصريين مع اليهود ولالسف طبعا مش كتير بس القله تفضح وان كانت قليله

بلاش كل ده

سمعت عن الفيلم الاباحي اللي بتجهزة اسرائيل بتصوير شباب مصريين وبنات مصريين للاسف كأوجه جديده وبعض البنات العربيات في فيلم يهودي

كل ده مش يخليني احس انها فرقعه

والله اعلي واعلم

بصي يا موني بغض النظر عن الكلام ده فرقعة ولا حقيقي

انا بقول حسبي الله ونعم الوكيل فيهم

بس انا ممكن اصدق اي حاجة تيجي منهم دول مش معندهومش رحمة ودول مجرمين

وحسبي الله ونعم الوكيل

الموضوع مستفز جدا فعلا يا موني

مشكورة يا جميل على مجهودك الرائع ده

معاكي حق

هي سينا كلها بتاعتهم اصلا

خرجو منها بالجنود ... و دخلوها بكل شيء سيء تاني

اصلا حاجة تقرف

الواحد لما بيسمع عن اللي بيحصل هناك

قلبه بيتقطع

هو احنا مش بلد مسلم

وللا نقول السياحة ... داحنا بلاش ناكل و نشرب لما تكون الفلوس اللي بتدخلنا من هنا

و لا حول و لا قوة الا بالله

تعليق صغير بس على كلامك يا مونى

لو الموضوع دة حقيقى فعلا

انتى بتقولى يا مونى لسالو مهما كان البنات دول كانوا صغيرين كانوا محتاجين وعى

والاطفال الفلسطنين ال سنهم مش بيتعدى خمس سنين وبتضرب الجنود الاسرائلين

ما عندهمش وعى

لأ عندهم شايفين ال بيحصل لاهلهم وال بيحصل لبلدهم بصرف النظر انهم مدركين للبيحصل

تخيلى بقى واحدة عندها قولى 16 سنة مش حتبقى فاهمة دول مين وهى بتتعامل مع مين

دى شخصيات متستحقش يكتب جنبها مجندات مصريات ولا يكون ليهم الحق فى ان يتقال عليهم كانوا مصرين من اصلة ولا نتكلم على ناس باعوا دينهم وضميرهم وبلدهم

حسبى اللة ونعم الوكيل

وربنا ينصر المسلمين فى كل مكان

تسلم ايديكى يا مونى بجد توبيك روووعة

ياااا ممكن مش يكونو مصرين وهمااا اللى بيقولو كده عشاان يساؤ سمعه مصر
كتيرر بيحصل عملياات ارهاابيه كتيررر ويقوللك انهم مسلمين ليه عشااان يساؤ سمعه الاسلاااام وده كتيرر بيحصل.
مون مون NiceTopc

موضوع: غيـر صحيح الجمعة أغسطس 03, 2007 8:13 am

بسم الله الرحمن الرحيم

مش عارف أرد أقول إيه بالظبـط ، بس الخبر ده غيـر صحيح كليــاً ، سواء بقى كان من المجلة الصفراء دي ، أو من الإعلام الصهيوني فهو غير صحيح بالمــرة

ده لو كان من المجلة دي يبقى عاوزة تعمل فرقعة إعلامية وأكيد دي ماحصلتش لأنها لو حصلت كانت فرقعت في كل وسائل الإعلام مش في المجلة دي بس ، ولو كان من الإعلام الصهيوني فهي محاولة فاشلة زيها زي أي محاولة بيعملوها ، وآخرهم محاولة تلويث سمعة ( أشــرف مروان ) - رحمه الله ، إللي كان مثال للوطنية والعمل السياسي

الناس اللي بتقول روحوا دهـب وشوفوا تعاملات المصريين مع اليهود هناك ، طيب ما تعاملاتنا معاهم في القاهرة وفي كل حتة مش في دهــب بس ، فندق ماريوت الجزيرة مديره يهودي وإسمه ( إيهـود ) ، غير إن داخل شرم الشيخ فيه شاطيء إسمه ( الترابين ) وده مخصص لليهود ، وإللي يروح رفــح يلاقي حركة التجارة كلها هناك من اليهـود والعكــس ، ممكن أيوة يكون بيحصل في دهــب حاجات كتير ولا تخفى عننا ، لكن مش لدرجة إننا نبقى سمن على عسل

صحيح الإتفاقات والتعاملات والمباحثات بيننا وبينهم قائمة ومستمرة ، لكن النفوس بيننا وبينهم غير صافية ، لكن مهما حصل هما أعداء لينا وإحنا أعداء ليهم ، وإن كانت واحدة مصرية ولا واحد مصري سمح لنفسه إنه يتعدى الخطوط الحمراء معاهم ، فا ده مش دليل صحة ولا مقياس على الكلام اللي موجود في المجلة دي

وأبسط حاجة تكذيب للخبر ده ، خلي واحد عادي ولا حتى وزير يروح السفارة الإسرائيلية ويقدم على زيارة بس ، ويشوف بعينه الوضع هيبقى عامل إزاي ، وهيروح فين ، وهيحصل فيه إيه ، أو حتى واحد ولا واحدة يحاول يسافر رفــح ويوصل بس لمعبــر رفـح البــري ، ده في الطريق من الإسماعيلية لحد رفــح حوالي 14 لجنة مرور ، على الأقل منهم 8 لجان أمن دولة

ده غير كلمة المشيـر حسين طنطاوي إللي منشورة في المجلة دي ، بالذمة دي كلمة تتقال أو تتصدق ، ولو كانت إتقالت ما أعتقدش إن المشير كان زمانه مشير ، على الأقل كان بقى غفيـــر ، وسابق كمان

والصورة إللي مكتوب عليها ( المجندة مديحــة ) ، دي شكلها جاكلين مش مديحة خالص ، المفروض ناخد بالنا شوية من الحاجات دي ، وما نديش فرصة لحد يوقعنا فريسة أو ضحية لفكر وأفكار هما عاوزين يسيطروا بيها علينا ، ويكبروا بيها نفسهم جوانا ، ويخلونا نخاف منهم

والصورة إللي مكتوب عليها ( مجندة سابقة بالجيش المصري ) ، عمرنا ما سمعنا عن مجندات في الجيش المصري غير مجندات التمريض أمثال إللي شغالين في مستشفى المعادي وكوبري القبــة ، يعني السلاح بتاعها هو السرنجة ، مش مدفع رشاش وواحد حاضنها من ورا

ولو كانت إسرائيل قادرة على تجنيد مجندات مصريات ، يبقى الأولى إنهم يجندوا الفلسطينيات ، وده طبيعي من مصلحتهم الأولى ، على الأقل هيساعدوهم على الدخول في المناطق إللي مش عارفين يكون ليهم سلطة فيها زي قطــاع غـزة

ولو كانت إسرائيل بالقوة دي إللي عمالة تبثها وتنشرها في كل مكان ، كانت عرفت توقف هجوم حزب الله عليها بالصواريخ أيام حرب لبــنان ، أو كانت توقف العمليات الإنتحارية اللي بتقوم بيها الفصـائل الفلسطينية ، أو كانت رجعت الجندي المخطوف من داخل ثكنـة عسكرية ووسط حراسة مكثفــة

الشواهد قدامنا كتير جداً جداً ، بس إحنا دايماً كعرب نتجاهل الواقع ، ونصدق قصص العفاريت وأبو رجل مسلوخة

تعليقي اللي فات على الموضوع وليـس على كاتب الموضوع ، منعاًُ لسوء الفــهم ، وشكراً

مرسي يا أحمد علي ردك المفيد

انا متفق مع كلام احمد
100 فى ال 100
بس انا هاتلكم عن حاجات تانيه
يا جماعه الصوره دى واضح جدا جدا جدا
انها معمولمه ببرنامج
و مش قادر اقول فوتو شوب علشان الفوتو شوب ممكن يعمل حاجات انضف من كده بكتير
دى معموله ببرنامج زباله
الو الى شغال بالفوتوشوب ده شخصيه هلاميه خرافيه ما يعرش حتى يكسر بطيخه
لو ركزتو فوق خالص فى كلمه كواليس
هتلاقو ان دى صوره كامله بعرض الصفحه
و الشخص الى عاملها ملون حواليها باللون البرتقانى او اللون الغريب ده
و كمان من كتر الحموريه بتاعته
و هو بيلون بالماوس الالوان نزلت منه فى الصوره الى تحتها
هتلاقو اللون البنى ده نازل على الصوره الى تحتها
و حتى كلمه كواليس حوليها اللون البنى مش مظبوك برده و داخل عليها
بقولكم شخص حمار و مافيش مجله فى الدنيا كلها بيبقى فيها غلطات كده و ركزو شويه حوالين كلمه كواليس و انتو هاتعرفو انها مقصوصه من حته و متظلله و فى غلطات كتير
و لو ركزنا فى الصور شويه هنلاحظ اوى انها صور عاديه جدا جدا
متاخده من جوه الجيش الاسرائيلى
و بره متظلله باللون البنى و مكتوب عليها كلام خرافى
و انشر يا معلم خلى الناس تظيط
ثانيا بقه انا مش هاتكلم على الصور الى اتكلم عليها احمد
انا هاتكلم على صور تانيه
الصوره الى فيها بنتين و بيقولك بغازلو جندى اثناء تدريبهن على عمليات القنص
بسم الله ماشاء الله
بيتدربو على القنص
و هما بالبرمودا ولابسين شنت و ايزى موزو كده
مع ان انا بيتهايئلى و الله اعلم ان دول سياح
و لا ده تمويه
لا تعليق
و القبعه التى سحرت فتيات مصر
ياسلام يا سلام اشجينى كمان و كمان
يعنى البنت هاتروح اسرائيل و تخون بلدها علشان خاطر الطقيه
لا دى طقيه طقيه يعنى مش هزار
ولا دى طقيه الاخفا و انا مش واخد بالى
و القصه بتاعه المجنده الى بتلقى التحيه على شارون الى قتل ابوها فى 73
دى والنبى قصه يصدقها عقل بنى ادم
و اذا كان هو قتل والدها فى 73 ايه الى وداها اسرائيل
ولا علشان يعنى هو قتل ابوها قالت لازم اروح اخدم شارون علشان هو خلصنى من ابويه و راحتلهم السفاره و قالتلهم انا لازم اروح لشارون الى خلصنى من ابويه الرزل الى كان خانقنى فى حياتى
و يقولك كانت عايز تمشى و هو قالها خلاص اوقعدى
يعنى هى اصلا كانت فى اسرائيل و لما قتل ابوها قالت لازم تنتقم منو
و تمشى و تسيبو لوحدو علشان العو ياكلو
يا جماعه حرام عليكو يعنى
مش فاهم انتو ازاى تصدقو حاجات زى كده
و الاخت الى نقلت الموضوع
انا بعتب عليكى فى حاجه
انك ماركزتيش فى الصوره كويس و ماعديتيهاش على عقلك قبل ما تنقليها هنا
هو الحماس اخدك بس و علشان انتى بنت قولتى ازاى بنات زيى يعملو كده و حرام و كده
ياريت بعد كده تركزى فى الحاجات الى انتى بتنقليها و عديها على عقلك الاول
علشاغن ما نعملش فرقعه و نساعد ان صوره زى كده تتنشر
لان نشر الصوره بس هايخلى و لو شخص وسط 100 شخص يصدق حاجه زى كده
و المفروض صوره زى كده اخرها على جهاز الجحش الى عملها
او المتخلفين الى ساعدو و نشروها فى منتداهم او موقعهم على النت علشان الناس ياخدوها و ينشروها
المفروض احنا بقه ما ننقلش حاجه زى كده علشان ما نساعدهمش يا قمر
و ارجو ان انتى ما تزعليش منى
و ال على راى المثل
مسير الحى يتسفلت

قال تعالى: { فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِك } (آل عمران:159).