فيفو انا النت عندى كان فاصل بقاله يومين
ينفع ارد عالحلقة اللى فاتت ولا لا
بس متهيقلى انتى لسه منزلتيش الاسئلة الجديدة يبقا هرد وخلاص
1- كلمنا عن طفولتك بقدر الامكان؟ وهل كانت طفولتك مثالية ؟
انا كنت شقية جدا جدا جدا وانا صغيرة وكنت عايشة فى شارع جمييييييل اتمنى انى ارجعله تانى
كنت فى وسك اهلى واصحابى اللى هما واحدة بس
بس كانت فعلا كل اصحابى ومازالت الحمد لله وربنا يخلينا لبعض يارب ونفضل دايما اصحاب حتى بعد مانعجز ونبقا تيتا
طبعا اكيد عرفتوها هيا دانا صاحبة عمرى ربنا يخليها ليا
كان بيتى قدام بيتها على طول مفيش دقيقتين بالظبط واكون عندها
كنت اقوم من النوم اروحلها وهيا تقوم من النوم تجيلى
بس هيا كانت كسلانة شوية ومازالت فكنت انا بروحلها على طووووول
نقعد مع بعض نقرا القصص ونلعب العالب غرييييييبة هههههههههههههههههههه
كنا دايما نعمل نفسنا بنات كبار وهيا تسمى نفسها حنان وانا نشوى ههههههههههههههههههههههههههههههههههه
مش عارفة اشمعنا الاسمين دول بالذات
بس دينا كانت بتحب العرايس اوى وكان عندها عرايس كتيييير كنا بنلعب بيها
وانا كان عندى مرجيحة بس انا كنت شقية جدااااااااااا جدااااااااااا وكنت مغلبة ماماا
طبعا مكنش الواحد شايل اى هم فى دماغه ولا بيفكر زى دلوقتى ولا الواحد عمر حاجة حزنته غير اما لعبته تضيع او مامته مترضاش توديه عند صحابه يلعب
ياريت الواحد يرجع طفل تانى والله كانت حياة جميلة جداااااا جداااااااا
اما بقا بخصوص طفولة مثالية فهيا لآ
مش مثالية اوى يعنى كان فى بعض الحاجات فى طفولتى بتدايقنى متخليهاش تبقا مثالية
2-اية الميزة ال فيك ال بقيت معاك من ايام طفولتك لحد دلوقتى؟ واية العيوب ال برضة فضلت معاك من طفولتك لحد دلوقتى؟
بصى يافيفو لو هنتكلم بصراحة يبقا كان فيه مميزات كتيرة اوى عندى وانا صغيرة وبعد ماكبرت وعيشت الحياة الحقيقية الواقعية راحت وضاعت منى بس بقاى منها طبعااا
اولا انا بقيت عصبية لدرجة لا تحتمل لدرجة ان اى حد قريب منى بقا يخاف يكلمنى المميزات اللى فضلت معايا من ايام طفولتى هيا الحساسية الزيادة عن اللزوم
اقل حاجة وانا صغيرة كانت بتدايقنى جداااااا وتزعلنى اقعد اعيط لماما
كانو مسمينى امينة رزق ههههههههههههههههه
الله يرحمها بردو من المميزات اللى فضلت معايا انى بضحك كتير وبحب اهزر بردو وتلاقينى مهما الدنيا اتقفلت فى وشى بضحك وبهزر بس مش فى كل الاوقات يعنى بردو كانو مسمينى كركر هههههههههههههههههه
العيوب بقا اللى فضلت معيا لحد النهردة انى بحس ساعات ان شخصيتى ضعيفة ومش واثقة من نفسى اوى
3- هل حصلك فى يوم انك شوفت طفل او طفلة وسرحت شوية مع نفسك واتمنيت انك تبقى مكانة؟
بصى هوا السؤال مش محدد اوى يعنى امتى وانا طفلة ولا دلوقتى؟
لو وانا طفلة يبقا اكيد كان نفسى ابقا زى طفلة لانى كنت صغيرة مش فاهمة حاجة ولو كانت طفلة ماسكة لعبة او فستانها احلى من فستانى اكيد كنت بقول الله نفسى ابقا زى البنت دى ههههههههههههههههههههههههههههه كنت هبلة بقا بس لو دلوقتى هتمنى انى ابقا طفلة طبعا عالاقل عمرى مهحس باللى الواحد حاسس بيه دلوقتى
طفلة بقا
ولو أه ... سرحت فى اية واتمنيت اية؟
ايه دا مخدتش بالى من السؤال دا اكيد سرحت فى ان الطفل دا ياترا حاسس بكل اللى احنا حاسين بيه ياترا بيبقا عاوز يشتكى من حاجة مديقاه او بيحس بالظلط زينا
واكيد اتمنيت انى اعيش زى الطفل بريئة زى الملايكة
بس ابقا كبيرة بصراحة ههههههههههههههههه
مبقاش قوزعة كدا
4-هل فية فى طفولتك حاجة كنت متعلق بيها او شخصية مثلا كنت متعلق بيها ورحلت فجأة؟
ااااه بابايا
كنت متعلقة بيه او ربنا يخليهولى
بس هوا يمكن موجود ربنا يديه طولة العمر بس مبقاش زى الاول وانا طفلة
كنت بحبه جدا وكان بيحبنى جدا يمكن اكتر من اخواتى كلهم بس دلوقتى .... المهم الزمن اكيد بيغير اى شخص ..
احكيلنا عن الشىء او لو فية شخصية ال اتعلقت بيها؟
طبعا خطيبى وحبيبى ربنا يخليهولى يارب
اكتر شخصية اتعلقت بيها فعلا وحاسة انه بيجرى فى دمى ومش قادرة استغنى عنه ابدا
حبينا بعض من واحنا فى اولى جامعة كان زميلى فى الكلية وكنا اصدقاء جداااا والصداقة قلبت حب وخطوبة وان شاء الله تبقا جواااز قولوا أأأأمين
بس هوا فعلا قدر يغير فيا حاجات كتيرة اوى اوى كنت انسانة تانية قبل معرفه مكنش عاممنى اى حاجة فى الدنيا غير لبسى وتسريحة شعرى وانى اخرج مع اصحابى
بس بعد كدا بقا همى كله هوا يارب انا كمان ابقى كل همه
5- احلام الاطفال وردية... يا ترى وانت طفل كانت اية احلامك هل تقدر تفتكر او تفتكرى احلامك كانت اية؟
بصى يافيفو انا عمرى فى حياتى مكان ليا حلم غير دلوقتى
كنت دايما بقول لماما انا حاسة انى مليش هدف
هدفى كله انى بنت وعاوزة اعيش فترة شبابى وبس حتى وانا طفلة عمرى مكنت بقول عاوزة ادخل كلية كذا ولا كذا زى كل الناس ههههههههههههههههههههه مش عارفة ليه بجد
كان كل تفكيرى فى اللعب مع اصحابى (على فكرة مكنش ليا اصحاب وانا صغيرة غير دينا )
هههههههههههههههههههههههه
بس اكيد اما كنت بحلم كنت بحلم بلبس العيد اما العيد يقرب ان بابا يجيبلى ايس كريم وهوا جاى من الشغل ههههههههههههههههههههههه
امتى بقا وقت المصيف ييجى واروح البحر واقعد ابلبط
بس مفيش حاجة اكتر من كدا
على فكرة انا كنت صريحة جدااااا
دا بس عشان معانا مقدمة الحلقات فيفوووووو
هههههههههههههههههههههههههههههههه
ميرسى ياقمر عالاسئلة الجميلة دى مع انى فضحت نفسى بس كانت اسئلة جميلة جداااا واستمتعت بيها اوى اوى ويارب تكون الحلقة الجاية جميلة كدااا
تسلمى ياقمر