حـــــــــــوار مع النفــــــــــــس

اية يا جماااعة ما حدش حيدخل ولا اية؟

ميعاد اسئلة انهاردة

اسئلة انهاردة خفيفة ولذيذة

وبتمنى انها تعجبكم

1-تقول لمين العبارات دى:

1) الدنيا سلف ودين

2) ولا تنسانى

3)بالسلامة

4)أنا حرة أو حر

5)ما صعبتش عليك

6)صعبان عليا

7)شكرا"

8)قولت اية

9)بتحب نفسك

10)كنا زمان

11)شوية عيال

12)روحى فيك

13)انتهينا من العتاب

14)قربك نار

15) بطلب السماح

16)خلص الكلام

ادينى رأيك فى الكلمات دى(الرد ميكنش كلمة واحدة وبس )

الصدق

الكذب

الامل

الغرور

العصبية

الحب

الجرح

الجواز

الجمال

المعقول

الضمير

الواقع

الضحك

الاصحاب

الاحساس

الذكرى

الحلم

الجرأة

الانتظار

العقل

مش عايزة اختصار فى الاجوبة

طولوا زى ما انتم عايزين

1) الدنيا سلف ودين

لكل واحد فاكر انها دايمه ليه ... و ميعرفش انها لو دامة لغيره ما وصلته

2) ولا تنسانى

لكل واحد حبيته و حبني ... لكل واحد بعيد دلوقتي بس ليه مكان كبير عندي

3)بالسلامة

لناس مفكرتش قبل ما تمشي

4)أنا حرة أو حر

لكل الناس

5)ما صعبتش عليك

----

6)صعبان عليا

للي فاكر انه انصح من الكل

7)شكرا"

ليكم ...

8)قولت اية

---

9)بتحب نفسك

واحد صاحبي ... دايما بيهتم انه يخرج معانا لما يكون في مصلحة ليه

10)كنا زمان

ياااااااااااااه ... لاصحابي بتوع ابتدائي ... تخيلوا لسه فاكرهم

11)شوية عيال

هههههههههههههه ... بعض زمايلي

12)روحى فيك

ماما و بابا

13)انتهينا من العتاب

-----

14)قربك نار

ممممممم مش عارف ... بس اصدقاء الشقاوة

15) بطلب السماح

ماما و بابا

16)خلص الكلام

.....

ادينى رأيك فى الكلمات دى(الرد ميكنش كلمة واحدة وبس )

الصدق

الصدق ساعات بنحس انه ممكن يكون صعب لكنه في الحقيقة لما تقوله كأنك زحت جبل من على قلبك ... و مهما كانت النتائج انت بكل تأكيد مرتاح جدا

الكذب

من الآخر كده ملوش رجلين ... يعني الكذاب هيقع هيقع ... ملهاش حل ... و بعدين دايما بيبذل مجهود كبير جدا ... عشان يستمر بس بيتعب و بيقع ... و كمان دايما مخنوق و حاسس ان مش قادر يتنفس

الامل

عارفين لما تسافروا بلد بعيده بالعربية ... لما تنام و تصحى و مش شايف غير صحراء لمدة تلات او اربع ايام ... ايه اللي مخليك تستحمل ... أمل الوصول

الغرور

وحش جدا ... و لما تقع محدش هيتعاطف معاك خالص ... و مش هتلاقي حد جنبك

العصبية

ممكن تخليك تخسر كتير اوي ... لازم تحاول تسيطر على نفسك ... عشان و انتي متعصب ممكن يتقال كلام صعب و جارح مش هتعرف ترجع عنه

الحب

لا مووووووووري ... هههههههههههه ... انا احب اذا انا حي ...

الجرح

يمكن ان تجرحني في لحظه ... و لكنك ستحتاج دهرا لتداويني .... طبعا دا لما تجرح قلبي ... لكن لما تعورني ... و كده ... شوية ميكروكروم و شاش و بلاستر يحلو القصه كلها

الجواز

حياة جديده لكل من بدأها ... تحيا بالحب و الاحرام و التقدير ... و تصبح جنه

تتحول الى جحيم اذا اختفى التفاهم و التقدير ... و مات الحب

الجمال

هو كل ما يدخل االسرور على القلب و يجعله اكثر انشراحا

المعقول

الضمير

الواقع

الضحك

الاصحاب

الاحساس

الذكرى

الحلم

الجرأة

الانتظار

العقل

المعقول

حلم كان ايام زمان ... دلوقتي مفيش حاجة كده ... و محدش ينتظر كلمة ان اللي بيعمله دا معقول او مش معقول

الضمير

بردو كان زمان ...

الواقع

اللي تعيشه و انت مش طايقه مهما كان ...

الضحك

ياااااااااااااااااااااااااه ... هما لسه بيبيعوه؟؟؟

الاصحاب

بقوا قليلين اوي في الوقت دا ... و اللي موجود منهم ربنا يبارك فيهم ... و ما يتغيروش

الاحساس

نعمه ...

الذكرى

لما بنشتاق للي فات بنفتكرها ... بس

الحلم

دا اللي لما تنام بالليل ممكن تشوفه ... غير كده انسى

الجرأة

دلوقتي .. بقت بجاحة و وقاحه ... الجرأة الوحيده انك تغلط في كل الناس ... الجرأه الوحيده انك تتعامل معاهم بتعالي ... لكن ايام ما كان معناها اقدام و شجاعه و انكار للذات ... دا ولى خلاص ... و مش راجع تاني الا لما نتغير خالص ... او نتخلص احنا خالص

الانتظار

لما بقعد استنى و اتمنى و في الآخر ... و لا حاجة بتحصل

العقل

زينه ... و على رأي شهود

يمكن ردودي كئيبة ... بس دا راجع لحالتي النفسية دلوقتي .... معلش

1-تقول لمين العبارات دى:




1) الدنيا سلف ودين
لأي حد عمل معايا خير او شر معايا

2) ولا تنسانى
اكيد طبعا لكل حبيابي واصحابي

3)بالسلامة
لأي حد مسافر او اي حد مش عايز يتعرف عليا

4)أنا حرة أو حر
لأي حد معدا الوالدين

5)ما صعبتش عليك
مش بصعب على حد

6)صعبان عليا
لأي حد مسكين هههههه

7)شكرا"
لكل اللى بيخدمني او يعمل فيا خير

8)قولت اية
لأي حد انا مسمعتوش كويس ههههه

9)بتحب نفسك
دي اقولها للأناني

10)كنا زمان
مش لحد

11)شوية عيال
هههههههه مش عارف بس للاعداء دايما بعتبرهم شويه عيال

12)روحى فيك
لصحابي وقرايبي

13)انتهينا من العتاب
مش لحد

14)قربك نار
والبعد عنك انتحار لا دي مش هقولها لحد بردو

15) بطلب السماح
من الله سبحانه وتعالي

16)خلص الكلام

اقولها لحد بكلم معاه ويخلص الكلام ومنلقيش حاجه نقولها






ادينى رأيك فى الكلمات دى(الرد ميكنش كلمة واحدة وبس )




الصدق
حاجه جميله اوي

الكذب
حاجه وحشه اوي

الامل
الله دي حاجه جميله اوي

الغرور
لالا دي حاجه وحشه اوي

العصبية
لا لا دي حاجه مش كويسه خالص

الحب
دي حاجه حلوة اوي وحاجه وحشه اوي

الجرح
يلاهوي دي حاجه فظيعه جدا

الجواز
دي حاجه جميله بجد

الجمال
طبعا الجمال شئ جميل

المعقول
حاجه وسطيه حلوة خير الامور وسط

الضمير
دفنته من زمان بصراحه

الواقع
لا انا بحب اعيش في خيالي واحوله لواقع

الضحك
حاجه جميله بس لما يكون في وقته بس

الاصحاب
احسن حاجه الاصحاب

الاحساس
زيه زي الضمير بالظبط

الذكرى
لما بتكون ذكري جميله بنحب انها متتنسيش لاكن لما تكون زكري مريره بندعي ربنا انها تتنسي ولا نفكر فيها

الحلم
مفيش انسان ميعرفش يعيش من غير حلم سواء حلم المستقبل او حلم النوم ودي حقيقه علميه

الجرأة
بتبقا كويسه بس في فرق بين الجرأه والوقاحه

الانتظار
مش بحب انتظر خالص دايما انا متسرع

العقل
الحمد لله على نعمه العقل ربنا وهبلنا العقل وميزنا عن خلقه

ريرى : مرسى يا ريرو ويا رب تكون الاسئلة عجبتك المرة دى

ومستنياكى تكملى باقية الاسئلة

مارو : مرسى يا جميل ويا رب تنورينى دايما" باجابتك العسولة وانا كنت مبسوطة يا مارو انك جاوبتى معانا واجابتك عجبتنى ومستنياكى فى الاجابة على الاسئلة الجاية

حكاية: اجابتك مش كئيبة ولا حاجة .. المهم انك قلت ال عايز تقولة .. وسيب

لنا احنا نقولك ان كانت اجابتك كئيبة ولا لأ. مرسى يا احمد ودايما" منورنى

شهود: منورانى يا قمر بس برضة عملتى زى ريرى ومكملتيش

مستنية تكملى يا شوشو انتى وريرى

انجل: يا دى النور... يا دى النور.. نورتنى مع ان معظم اجابتك كانت حاجة كويسة وحاجة وحشة بس كفاية انك نورتنى ورديت على الاسئلة ..مرسى يا محمد

مستنياكم يا ريرى وشهود تكملوا وبلاش كسل

مرسي فيفو عالاسئله

ايوه كدا يا شهود

مرسى يا قمر انك رديتى على باقية الاسئلة وجبرتى بخاطرى

نورتينى يا شوشو واجابتك كانت عسولة زيك